ਖੇਡਾਂ ਵਤਨ ਪੰਜਾਬ ਦੀਆਂ: ਬਲਾਕ ਸਹਿਣਾ ਦੀਆਂ ਖੇਡਾਂ ਦਾ ਵਿਧਾਇਕ ਲਾਭ ਸਿੰਘ ਉਗੋਕੇ ਵੱਲੋਂ ਆਗਾਜ਼

ਪੰਜਾਬ ਸਰਕਾਰ ਵਲੋਂ ਖੇਡ ਸੱਭਿਆਚਾਰ ਨੂੰ ਹੁਲਾਰਾ ਦੇਣ ਲਈ ਮੁੱਖ ਮੰਤਰੀ ਸ. ਭਗਵੰਤ ਮਾਨ ਦੇ ਦਿਸ਼ਾਂ ਨਿਰਦੇਸ਼ਾਂ ਅਤੇ ਖੇਡ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਦੀ ਅਗਵਾਈ ਵਿੱਚ ਕਰਵਾਈਆਂ ਜਾ ਰਹੀਆਂ  “ਖੇਡਾਂ ਵਤਨ ਪੰਜਾਬ ਦੀਆਂ – 2022” ਤਹਿਤ ਬਲਾਕ ਸਹਿਣਾ ਦੇ ਮੁਕਾਬਲੇ ਅੱਜ ਸ਼ੁਰੂ ਹੋ ਕੇ 9 ਸਤੰਬਰ ਤੱਕ ਜਾਰੀ ਰਹਿਣਗੇ।

ਅੱਜ ਵਿਧਾਇਕ ਭਦੌੜ ਲਾਭ ਸਿੰਘ ਉਗੋਕੇ ਪਬਲਿਕ ਸਟੇਡੀਅਮ ਭਦੌੜ ਪੁੱਜੇ ਅਤੇ ਬਲਾਕ ਸ਼ਹਿਣਾ ਦੀਆਂ ਖੇਡਾਂ ਦਾ ਆਗਾਜ਼ ਕੀਤਾ ਅਤੇ ਖਿਡਾਰੀਆਂ ਦੀ ਹੌਸਲਾ ਅਫਜ਼ਾਈ ਕੀਤੀ।

ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਇਹ ਖੇਡਾਂ ਪੰਜਾਬ ‘ਚ ਵੱਡੀ ਗਿਣਤੀ  ਕੌਮਾਂਤਰੀ ਖਿਡਾਰੀ ਪੈਦਾ ਕਰਨ ਲਈ ਮੁੱਢ ਬੰਨਣਗੀਆਂ। ਉਨ੍ਹਾਂ  ਦੱਸਿਆ ਕਿ ਅਥਲੈਟਿਕਸ, ਰੱਸਾਕਸ਼ੀ, ਕਬੱਡੀ ਸਰਕਲ ਸਟਾਇਲ ਅਤੇ ਵਾਲੀਬਾਲ (ਸਮੈਸ਼ਇੰਗ) ਦੇ ਮੁਕਾਬਲੇ ਇੱਥੇ ਕਰਵਾਏ ਜਾ ਰਹੇ ਹਨ।

ਇਸ ਮੌਕੇ ਅੱਜ ਅਥਲੈਟਿਕਸ ਦੇ ਮੁਕਾਬਲੇ ਅੰਡਰ 17 ਅਤੇ ਅੰਡਰ 21 ਲੜਕੇ / ਲੜਕੀਆਂ ਦੇ ਕਰਵਾਏ ਗਏ। ਰੱਸਾਕਸ਼ੀ ਦੇ  ਆਲ ਗਰੁੱਪ ਲੜਕੀਆਂ ਦੇ ਮੁਕਾਬਲੇ ਕਰਵਾਏ ਗਏ। ਵਾਲੀਬਾਲ (ਸਮੈਸ਼ਇੰਗ) ਦੇ ਮੁਕਾਬਲੇ ਆਲ ਗਰੁੱਪ ਲੜਕੀਆਂ ਦੇ, ਕਬੱਡੀ ਸਰਕਲ ਸਟਾਇਲ ਦੇ ਮੁਕਾਬਲੇ ਆਲ ਗਰੁੱਪ ਲੜਕੀਆਂ ਦੇ ਕਰਵਾਏ ਗਏ। ਬਾਕੀ ਮੁਕਾਬਲੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਭਦੌੜ ਵਿੱਚ ਕਰਵਾਏ ਗਏ।