ਭਾਰਤੀ ਟੀਮ ਦੇ ਦੱਖਣੀ ਅਫਰੀਕਾ ਦੌਰੇ ਦੇ ਨਵੇਂ ਸ਼ਡਿਊਲ ਦਾ ਐਲਾਨ, 26 ਦਸੰਬਰ ਤੋਂ ਹੋਵੇਗਾ ਪਹਿਲਾ ਟੈਸਟ
ਪੀਟੀਆਈ: ਭਾਰਤੀ ਕ੍ਰਿਕਟ ਟੀਮ ਨੇ ਇਸ ਹਫਤੇ ਦੱਖਣੀ ਅਫਰੀਕਾ ਦੇ ਦੌਰੇ ਲਈ ਰਵਾਨਾ ਹੋਣਾ ਸੀ, ਪਰ ਕੋਰੋਨਾ ਦੇ ਨਵੇਂ ਵੇਰੀਐਂਟ ਓਮੀਕ੍ਰੋਨ ਕਾਰਨ ਇਹ ਦੌਰਾ ਥੋੜ੍ਹਾ ਅੱਗੇ ਵਧ ਗਿਆ। ਇੰਨਾ ਹੀ ਨਹੀਂ ਹੁਣ ਮੇਜ਼ਬਾਨ ਕ੍ਰਿਕਟ ਬੋਰਡ ਕ੍ਰਿਕਟ ਦੱਖਣੀ ਅਫਰੀਕਾ ਨੇ ਸੋਮਵਾਰ ਨੂੰ ਭਾਰਤੀ ਟੀਮ ਦੇ ਦੌਰੇ ਦੇ ਨਵੇਂ ਸ਼ਡਿਊਲ ਦਾ ਐਲਾਨ ਕਰ ਦਿੱਤਾ ਹੈ। CSA ਦੇ ਨਵੇਂ ਸ਼ਡਿਊਲ ਮੁਤਾਬਕ ਹੁਣ ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ 26 ਦਸੰਬਰ ਤੋਂ ਸੈਂਚੁਰੀਅਨ ‘ਚ ਖੇਡਿਆ ਜਾਵੇਗਾ, ਜਿਸ ਨੂੰ ਬਾਕਸਿੰਗ ਡੇ ਟੈਸਟ ਮੈਚ ਕਿਹਾ ਜਾਵੇਗਾ।
ਕ੍ਰਿਕਟ ਦੱਖਣੀ ਅਫਰੀਕਾ (ਸੀਐਸਏ) ਅਤੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਨੇ ਸ਼ਨੀਵਾਰ ਨੂੰ ਐਲਾਨ ਕੀਤਾ ਕਿ ਦੱਖਣੀ ਅਫਰੀਕਾ ਵਿੱਚ ਓਮੀਕ੍ਰੋਨ ਵੇਰੀਐਂਟ ਦੇ ਵੱਧ ਰਹੇ ਮਾਮਲਿਆਂ ਦੇ ਵਿਚਕਾਰ ਇਹ ਦੌਰਾ ਹੋਵੇਗਾ, ਪਰ ਭਾਰਤੀ ਟੀਮ ਦੀ ਰਵਾਨਗੀ ਇੱਕ ਹਫ਼ਤੇ ਲਈ ਮੁਲਤਵੀ ਕਰ ਦਿੱਤੀ ਗਈ ਸੀ। ਭਾਰਤ ਨੂੰ ਦੱਖਣੀ ਅਫਰੀਕਾ ਦੇ ਖਿਲਾਫ ਤਿੰਨੋਂ ਫਾਰਮੈਟ ਵੀ ਖੇਡਣੇ ਸਨ, ਪਰ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਨੂੰ ਰੱਦ ਕਰ ਦਿੱਤਾ ਗਿਆ ਹੈ ਕਿਉਂਕਿ ਦੌਰਾ ਲਗਭਗ 10 ਦਿਨ ਅੱਗੇ ਵਧਾ ਦਿੱਤਾ ਗਿਆ ਹੈ।
ਪ੍ਰੋਗਰਾਮ ‘ਚ ਬਦਲਾਅ
ਭਾਰਤੀ ਟੀਮ ਨੇ ਪਹਿਲਾਂ 9 ਦਸੰਬਰ ਨੂੰ ਰਵਾਨਾ ਹੋਣਾ ਸੀ, ਪਰ ਯਾਤਰਾ ਦਾ ਪ੍ਰੋਗਰਾਮ ਬਦਲ ਦਿੱਤਾ ਗਿਆ ਸੀ। ਹੁਣ ਪਹਿਲਾ ਟੈਸਟ 26 ਦਸੰਬਰ ਤੋਂ ਸ਼ੁਰੂ ਹੋਵੇਗਾ, ਜੋ ਪਹਿਲਾਂ 17 ਦਸੰਬਰ ਤੋਂ ਸ਼ੁਰੂ ਹੋਣਾ ਸੀ। CSA ਨੇ ਕਿਹਾ, ‘ਹੁਣ ਇਸ ਦੌਰੇ ‘ਤੇ ਸਿਰਫ ਟੈਸਟ ਅਤੇ ਵਨਡੇ ਸੀਰੀਜ਼ ਖੇਡੀ ਜਾਵੇਗੀ। ਇਹ ਦੌਰਾ 26 ਦਸੰਬਰ ਤੋਂ 23 ਜਨਵਰੀ ਤੱਕ ਚਾਰ ਥਾਵਾਂ ‘ਤੇ ਹੋਵੇਗਾ। ਚਾਰ ਮੈਚਾਂ ਦੀ ਟੀ-20 ਸੀਰੀਜ਼ ਅਗਲੇ ਸਾਲ ਢੁਕਵੇਂ ਸਮੇਂ ‘ਤੇ ਖੇਡੀ ਜਾਵੇਗੀ। ਦੂਜਾ ਟੈਸਟ 3 ਤੋਂ 7 ਜਨਵਰੀ ਤੱਕ ਵਾਂਡਰਰਸ ‘ਚ ਅਤੇ ਤੀਜਾ 11 ਤੋਂ 15 ਫਰਵਰੀ ਤੱਕ ਕੇਪਟਾਊਨ ‘ਚ ਖੇਡਿਆ ਜਾਵੇਗਾ। ਤਿੰਨ ਵਨਡੇ ਮੈਚ ਬੋਲੈਂਡ ਪਾਰਕ, ਪਰਲ (19 ਅਤੇ 21 ਜਨਵਰੀ) ਅਤੇ ਕੇਪਟਾਊਨ (23 ਜਨਵਰੀ) ਵਿੱਚ ਹੋਣਗੇ।
India Tour of South Africa Schedule
ਪਹਿਲਾ ਟੈਸਟ: 26-30 ਦਸੰਬਰ – ਸੈਂਚੁਰੀਅਨ
ਦੂਜਾ ਟੈਸਟ: 03-07 ਜਨਵਰੀ – ਜੋਹਾਨਸਬਰਗ
ਤੀਜਾ ਟੈਸਟ: 11-15 ਜਨਵਰੀ – ਕੇਪਟਾਊਨ
ਪਹਿਲਾ ਵਨਡੇ: 19 ਜਨਵਰੀ – ਪਾਰਲ
ਦੂਜਾ ਵਨਡੇ: 21 ਜਨਵਰੀ – ਪਾਰਲ
ਤੀਜਾ ਵਨਡੇ: 23 ਜਨਵਰੀ – ਕੇਪਟਾਊਨ
